Anna Catrina - die Stadt Ilanz erleben

En Route: Publicaziun Glion – Glion ed il mund da refuorma 

Ensemen cun la cuminonza da lavur interreligiusa dalla Svizra IRAS COTIS porscha Anna Catrina SA guids inscenai atras il marcau vegl da Glion, denton auter era cul tema “reformaziun”. Vinavon dat ei la pusseivladad d’empustar in guid sut il tetel “Die Kirche diskutieren”,  ina sentupada sin claustra dallas Dominicanas ni tier la FEG a Glion. 

platform-

Cun quei link https://we.tl/FbOFcZu8zM saveis Vus cargar giu tuts nizeivels documents en connex cun Dialoge en Route.

Purschida guid inscenau

IlanzAuschreibungInszStadtführung

http://enroute.ch/de/platform/#/routes/reformwelten-ilanz-ilanz/activities/ilanzer-reformwelten-2

P1010989

Purschida guid “Die Kirche diskutieren”

IlanzAuschreibungDKd

http://enroute.ch/de/platform/#/routes/reformwelten-ilanz-ilanz/activities/ilanzer-reformwelten-3

Purschidas sentupadas ella claustra dallas Dominicanas e tier la baselgia evangelica libra (FEG)

IlanzAuschreibungBegegnungen (2)

http://enroute.ch/de/platform/#/routes/reformwelten-ilanz-ilanz

Kloster   FEG

Formular d’annunzia

Anmeldeformular

“Comander”, ina cumedia criminala historica el marcauet da Glion 

Il “Comander” ei historia

In eveniment grondius ei serraus giu e relai in sentiment da gronda cuntentientscha. Ton dil cuntegn sco era dils acturs ei vegniu purschiu zatgei grondius e biaras aspectaturas e biars aspectaturs ein sesmarvegliai. Cultura ord la Surselva, en Surselva, semplamein sensaziunal. Otg presentaziuns sco era ina presentaziun supplementara ein stadas vendidas ora tschien prozent. La culissa grondiusa el Museum, el curtgin dil Museum sco er dil plaz avon la baselgia S. Margareta han secapescha gidau a quei grond success.

Cordial engraziament al reschissur, Roman Weishaupt ed al responsabel pil maletg dalla tribuna, Remo Arpagaus, ils quals ein era stai ils auturs dalla transportaziun divertenta e humoristica dil cuntegn historic, allas acturas ed als acturs (Erwin Ardüser, Marina Blumenthal, Romana Brunold, Ursin Derungs, Ina Egger, Kim-Emanuel Stadelmann) sco era in grond engraziament a tuttas gidontras e tuts gidonters davos las culissas.

Aschia vegn il marcauet vegl da Glion a restar a biars en buna memoria. Las medias ein stadas incantadas e plein da laud (mira Bündner Tagblatt dils 21-08-2017). L’aura ei stada per part super, entginas gadas ha ei era pluviu intensivamein. Denton han neginas presentaziuns stuiu vegnir dadas giu. La plievgia ha denton nuota stermentau ils acturs ed aspectadurs.

E cheu saveis Vus legher la grondiusa critica da Jano Felici Pajarola, redactur dil Bündner Tagblatt:

2017-08-21_Buendner_Tagblatt_Seite_11

Entginas bialas impressiuns dalla comedia criminala:

nordlichtphoto.com - Steffi Blochwitz nordlichtphoto.com - Steffi Blochwitz

Il niev cudisch d’affons Anna Catrina, feglia da Glion …. ed in quiz leutier 

Mesjamna, ils  30 da november 2016, ei il niev cudisch d’affons vegnius presentaus. La historia sebasa sil roman historic da Sabina Altermatt “Anna Catrina – feglia da Glion”. Il text deriva ord la plema d’Annalisa Cathomas e las illustraziuns ha Yvonne Gienal creau. Omisduas vivan a Glion.

Il niev ed interessant cudisch d’affons, il qual ei dat en romontsch e tudestg, san ins retrer naven dils 30 da november 2016 tier email hidden; JavaScript is required ni directamein cumprar tier Maggi AG, Glion. Il prezi dil cudisch munta sin frs. 24.00. Vitier vegn aunc il porto da tarmetter da frs. 4.00.

logo-kinderbuch

Quiz

Squetscha ora quei quiz e fai ina spassegiada tras il marcau vegl da Glion! Per anflar ils bustabs dil plaid-clav stos Ti suandar ils paliats e dar risposta allas damondas 1-11. Sche Ti scrivas ils dretgs bustabs sillas lingias, anflas Ti la sligiaziun dil legn.

quiz-tiel-cudisch-daffons

Bien divertiment.

Illustraziuns d’Yvonne Gienal da colurar

Cars affons

E cheu saveis vus squitschar las illustraziuns d’Yvonne Gienal e silsuenter colurar ils maletgs.

ausmalbilder-anna-catrina

Il scazzi da Glion – anflas Ti el? 

In niev product dall’ Anna Catrina AG

Cugl app ” il scazzi da Glion – anflas Ti el?” eis ti envidaus cugl agid dil Smartphon da cattar bia misteris, historias e raritads el marcau vegl historic da Glion. Ei vala la peina da ver aviert ils egls e dad ira suenter allas instrucziuns, lu daventa igl encurir il scazzi in gaudi e meina al success. Ti vegns ad anflar il scazzi e vegnass aunc bonificaus sche Ti contonschas 60 puncts. Cumbinau cun ina spassegidada atras il marcau vegl gaudas Ti la historia sin moda divertenta. Igl app san ins cargar giu gratuitamein digl internet .

Cheu sut il link:

http://my.drallo.ch/challenges/aac15418-e099-4416-bb1f-afbe4c53b916?locale=en

Il marcau raquenta – Guids inscenai tras il marcau vegl da Glion cun dus acturs 

nordlichtphoto.com nordlichtphoto.com

Sfundrai el vargau da nies pign marcauet spel Rhein. Vus vegnis a smarvegliar tgei historias ch’il marcau ha da raquintar a Vus. Regularmein organisein nus guids inscenai atras il marcau vegl da Glion. Ils guids vegnan menai entras dus acturs.

Video dallas guidas inscenadas mira pagina tudestga.

Responsabels pils guids inszenai:
Conzept/text/reschia: Roman Weishaupt
Giugadurs (en formaziun midada):Romana Brunold, Veronica Cathomen, David Flepp.

Datas 2018:

Sentupada: Avon il Museum Regiunal Surselva
Cuosts: CHF 20.00 per persuna
CHF 10.00 per affons tochen 16 onns
Datas: Las guidas inscenadas ein per 2018 alla fin. Bugen beneventein nus Vus ad ina guida inscenada  naven digl avrel 2019. Schigleiti ch’ils datums ein enconuschents, vegnan quels publicai.

Vuleis Vus far ina surpresa a Vossa fatschenta, Voss’uniun ni Vossa privata occurenza cun in guid inscenau tras il marcau vegl da Glion?

Empustai in guid cun in giugadur ni ina giugadura per in termin privat tenor giavisch. Sin damonda organisein nus per Vus naven digl avrel entochen la fin october Vies guid inscenau persunal – in program da rama perfetgs per gruppas, collegas da lavur ni viadis d’uniuns.

Bugen reservein nus alla fin per Vus in apéro el Museum Regiunal Surselva.

Sentupada: Avon il Museum Regiunal Surselva
Cuosts: frs. 100.00 sco prezi da basa + frs. 10.00 per carschi e frs. 5.00 per affons.

Acziunaris: 20% rabatt

Annunzia: per plascher emplenir ora il formular d’annunzia

Formular d’annunzia per guids inscenai

Cudisch historic da Glion/Foppa 

Igl emprem marcau sper il Rein posseda ina liunga historia plein fassettas. El sectur politic, economic, social, religius ed architectonic serestrenscha sia impurtonza buca mo al plaun local, mobein radiescha el rest dalla Surselva, savens era egl ulteriur Grischun e mintgaton schizun el contuorn svizzer ed europeic.

In’autura e quater auturs partan en quella publicaziun il pensum da raquintar dalla historia dil marcau e sia impurtonza dil temps medieval tempriv tochen oz – e quei a moda scientificamein fundada e tuttina capeivla per tuts.

Vischnaunca dad Ilanz/Glion (editura), Heinz Gabathuler, Martin Bundi, Adrian Collenberg, Silke Margherita Redolfi, Leza Dosch: Ilanzer Stadtgeschichte – Historia da Glion/Foppa – vischnaunca dad Ilanz/Glion, 2015.

Il cudisch san ins cumprar per CHF 54.00 tier la vischnaunca dad Ilanz/Glion, Casa Cumin, 4. alzada.

168 177

mira!cultura guids 

Il Museum Regiunal Surselva presenta ina nova purschida: mira!cultura Ortsführungen.

- Guid dil vitg Waltensburg/Vuorz
- Guid dil marcau Glion
- Guid dil vitg Vella
- Guid da capluttas a Meierhof
- “Memory Tourel marcau vegla da Glion per affons

Ils guids cuozzan 90 min. Cuosts: CHF 150 pro gruppa da max. 24 persunas. . Bugen pren il Museum ecunter Vossa preannunzia cul Formular sin la pagina d’internet dil Museum Regiunal ni per telefon (+41 81 925 41 81) .

Pli bia anfleis Vus sin la pagina d’internet

http://www.museumregiunal.ch/Neu-mira-cultura

Caeremonia Anna Catrina 

La Caeremonia Anna Catrina da sonda ils 4 d’october 2014 ei gia historia.

Igl ei stau ina fiasta grondiusa cun veta da fiera colurada, giugs da cavaliers, musica, sault, historias… Il marcau vegl da Glion ei sfundraus ella veta da pli baul.

Cheu anfleis Vus entginas impressiuns dalla fiasta:

Exposiziuns 

Exposiziun speciala “GLION – Anavos el futur” 

18 da fenadur 2015 tochen ils 31 d’october 2016 el Museum Regiunal Surselva

Aviert mintgamai mardis, gievgia, sonda e l’emprema dumengia dil meins dallas 14.00-17.00 uras.

Il Museum Regiunal Surselva (MRS) muossa objects digl Survetsch archeologic dil Grischun e tocs prezius dil Museum retic, denter auter il schinumnau ‚Ilanzer Münzschatz’, ch’ina persuna dil 9avel tschentaner haveva giu satrau sper il casti da Grüneck, probablamein essend en grond prighel. Nus entupein Mathratus, il minister da Tuverasca e Heinrich da Frauenberg, il fundatur dil marcau, ina persuna heroica e tuttina romantica. Glion era liug da dazi sin ina veglia via da commerci e liug da fiera da biestga e rauba. Ils mess dallas Treis Ligias loschevan duront lur dietas a Glion en Casa Grischa ed il plevon dil marcau da Cuera, Comander, sedispitava cun ils representants digl uestg en la baselgia da s. Margreta pervia dalla vera cardientscha. Co fadigiavan las famiglias noblas e rehas lur daners? Tgi vegneva a cumin? Igl ei iu a fin cun il temps vegl igl onn 1799, cura che las truppas da Napoleon ein marschadas tras la Surselva, lu ei la republica dallas Treis Ligias vegnida transformada en in cantun numnaus Rezia. El ravugl dil stadi federal svizzer, el 19avel tschentaner, ha era Glion fatg il pass viers il temps modern.

Cugl 1. da schaner 2014 ha entschiet a Glion ina nova epoca historica: Glion e tredisch vischnauncas han fusiunau tier la gronda vischnaunca Ilanz/Glion. Tgei vegn il futur a purtar? Gia oz rimna il Museum Regiunal Surselva ideas e visiuns per la proxima exposiziun speciala che vegn a sededicar, naven da 2017, alla veta actuala e futura enteifer ils novs cunfins.

Pli bia informaziuns anfleis Vus sin la pagina d’internet: http://www.museumregiunal.ch/Sonderausstellung-ILANZ-Zur.304.0.html.

Events